अवैद्य वाळुची वाहतुक करतांना पाच टॅक्टर,जप्त महसूल विभागाची दमदार कामगिरी.
रुपेश देशमुख ब्रम्हपुरी
प्राप्त माहितीनुसार असे की, ब्रम्हपुरी तालुक्यातील अहेर नवरगांव, पिंपळगांव भोसले व कोल्हारी, बेलगाव हे वैनगंगा नदी किनारी असुन या नदीपात्रात मोठ्या प्रमाणात वाळु साठा असतो. आणि या नदी पात्रातुन वाळू उपसा, साठा, विक्री, वाहतुक करण्याकरीता जिल्हाधीकारी कार्यालयाकडून ई-टेंडरींग करून नियम, अटी, शर्ती लागु करून कंत्राटदारास लिलाव केल्या जातो. परंतु सध्यातरी ब्रम्हपुरी तालुक्यातील कोणत्याही नदी घाटाचा लिलाव झालेला नाही. परंतु अन्हेर-नवरगांव पिंपळगांव नदी घाटावरून अवैद्यरित्या वाळुची वाहतुक होत असल्याची गोपनिय माहिती महसुल विभागाला मिळाली.
यामुळे नवनियुक्त – उपविभागीय अधिकारी पर्वनी पाटील, तहसीलदार सतिश मासाळ यांनी जिल्हाधिकारी विनय गौडा यांचे – मार्गदर्शनाखाली घेऊन तहसीलदार सतिश मासाळ यांचे नेतृत्वात नायब – तहसीलदार आशिष तालेवार,व तलाठी यांनी अहेरनवरगांव, पिंपळगांव ते बेलगाव,ब्रम्हपुरीकडे येणारे ५/१०/२०२४ ला वाळु वाहतूक करणारे पाच टॅक्टर,अडवून वाळूसह ताब्यात घेतला तसेच मागील पंधरा दिवसांमध्ये १४ ट्रॅक्टर व एक हायवा अडवून वाळुसह ताब्यात घेतला आहे.
जप्त केलेल्या ट्रॅक्टर व एक हायवावर दंडात्मक कारवाही केलेली असून रुपये ४,४८,०००/-महसूल शासन जमा होणार आहे. इतर वाहनावर दंडात्मक कारवाई सुरू असून रुपये ८,००,०००/- करून गुन्हा नोंद केल्याचे कळते. या कारवाहीने वाळू चोरांचे धाबे दणाणले आहेत.
