नियमावली न पाळल्यास २५ हजारांचा दंड
चंद्रपुरातील नामाकींत काेचिंग क्लासेस येथिल व्यवस्थापन मनमानी कार्यपध्दत सुरू असल्यामुळे पालकांच्या ब-याच तक्रारी समाेर येत आहेत. आपल्या पाल्यांचे प्रवेश घेत असतांना खाजगी काेचिंग क्लासेसचे व्यवस्थापक पालकांना आपल्या कडुन हाेणा-या उत्तम शिक्षण सर्विस बद्दल पालकांना समजवुन सांगत आपलेच काेचिंग सेंटर नंबर वन आहाेत हेच सांगत असतात.
परंतु प्रवेश घेतल्या नंतर मात्र सांगीतल्या प्रमाणे काही गाेष्टीची पुर्तताच काेचिंग क्लासेस मार्फत केली जात नाही. अनेक बाबी कडे व्यवस्थापकांकडुन जानिव पुर्वक दुर्लक्ष केल्या जाते.
अनेक विध्यार्थ्यांचा पालकांनी चंद्रपुर शहरातील नामवंत काेचिंग क्लासेस येथे आपल्या पाल्यांचा प्रवेश घेतांना माेठी रक्कम दिली. परंतु एक महिण्याचा आत काेचिंग क्लासेस मध्ये घेतलेले प्रवेश काेचिंग क्लासेसची सर्व्हीस बराेबर नसल्या कारणाने पालकांकडुन प्रवेश रद्द करून जास्त प्रमाणात दिलेली रक्कम परत मागण्यात आली. पण ती रक्कम देण्यास एक वर्षाचा कालावधी हाेवुन ही काेचिंग क्लासेस अजुन ही टाळाटाळ करतांना दिसुन येतात.
त्याचे मुख्य कारण काेचिंग क्लासेसचे संस्थापक तसे व्यवस्थापकांची मुजाेरी तसेच सांगीतल्या प्रमाणे न दिलेली गचाळ सर्विस असल्याचे पालकांच्या वतीने बाेलल्या जाते.
प्रवेश परत घेतांना जास्त प्रमाणात दिली गेलेली रक्कम सुध्दा काही काेचिंग क्सासेसनी मागुन सुध्दा अजुन पर्यत पालकांना परत दिली नाही. नियमा प्रमाने ते करता येत नाही याची रितसर तक्रार करता येते.
म्हणुन काेचिंग क्लासेसच्या काही कुनाचा तक्रारी असल्यास न्युज ब्लास्ट चँनल ला संपर्क करावे. त्याच अनुषंगाने नामवंत काेचिंग क्लासेस मध्ये आपल्या मुला, मुलिंनचे प्रवेश घेणा-या पालकांनकरिता खाजगी कोचिंग क्लासेस साठी केंद्र सरकारची नवी नियमावलीची माहीती आपल्या पर्यंत पाेहचवण्यात येत आहे.
खासगी कोचिंग सेंटर्सच्या मनमानी कारभारावर लगाम लावण्यासाठी केंद्र सरकारने पावले उचलली आहेत. कोचिंग क्लासेससाठी केंद्र सरकारकडून नव्या मार्गदर्शक सूचना जारी करण्यात आल्या आहेत.
16 वर्षांखालील विद्दार्थ्यांना प्रवेश नाही
त्यानुसार 16 वर्षाखालील विद्यार्थ्यांना कोचिंग क्लासेसमध्ये प्रवेश देता येणार नाही. रँक, गुणांच्या बाबतीत कोणत्याही प्रकारे गॅरंटी देणे कोचिंग क्लासेसना महागात पडणार आहे. तसेच आग प्रतिबंधक उपाययोजना करणे सर्व क्लासेस ना बंधनकारक असणार आहे.
अव्वाचे सव्वा फी लावण्यास बंधन !
केंद्र सरकारच्या नव्या नियमांनुसार कुणालाही खासगी कोचिंग सेंटर उघडता येणार नाही. त्यासाठी सर्वात आधी नोंदणी करावी लागेल. त्याशिवाय 16 वर्षांपेक्षा कमी वयाच्या मुलांना कोचिंग सेंटरमध्ये प्रवेश देता येणार नाही. त्याशिवाय कोचिंग सेंटर चालवणारे विद्यार्थ्यांकडून अव्वाच्या सव्वा फी वसूल करता येणार नाही. नियमावलीतील व्याख्येनुसार 50 पेक्षा जास्त विद्यार्थ्यांना जिथे शिक्षण दिले जाते त्या जागेला कोचिंग क्लास समजले जाईल.
सुरक्षे संदर्भातील एनओसी आवश्यक
NEET अथवा JEE ची तयारी करणाऱ्या विद्यार्थ्यांमध्ये गेल्या काही दिवसांपासून आत्महत्याचे प्रमाण वाढले आहे. त्याशिवाय खासगी कोचिंग क्लासमध्ये मनमानी फी आकारली जाते. त्यामुळे या सर्वांना लगाम लावण्यासाठी केंद्र सरकारकडून नियमावली जारी करण्यात आली आहे. केंद्र सरकारच्या नव्या नियमानुसार, आयआयटी जेईई, एमबीबीएस, नीट यासारख्या प्रोफेशनल कोर्साठी कोचिंग सेंटरमध्ये आग प्रतिबंधक उपाययोजना करणे बंधनकारक करण्यात आले आहे. त्याशिवाय सुरक्षासंदर्भात एनओसी असणंही बंधनकारक करण्यात आली आहे.
मानसिक आरोग्य संबंधित धडे देणे बंधनकारक
परीक्षा आणि त्याच्या निकालाच्या दबावाशी संबंधित समस्यांवर प्रतिबिंध करण्यासाठी विद्यार्थ्यांना मानसिक आणि आरोग्याशीसंबंधित धडे आणि पाठबळ द्यावे, असेही नियमांत म्हटलेय.
नव्या नियमानुसार क्लासची नोंदणी करणे आवश्यक
कोचिंग सेंटर्सने केंद्र सरकारच्या नियमांनुसार नोंदणी करणं अनिवार्य आहे. त्याशिवाय सर्व नियमांचं पालनही करावे लागणार आहे.
विद्यार्थ्यांना गुणांच्या बाबतीत कोणत्याही प्रकारे गॅरंटी देणे कोचिंग क्लासेसना महागात पडणार आहे. कोचिंग क्लासेसने नियम मोडल्यास आर्थिक दंडाचा सामना करावा लागणार आहे. कोचिंग सेंटरकडून नियमांचे एकदा उल्लंघन झाल्यास पंचवीस हजार रुपयांचा दंड आकारला जाऊ शकतो. जर पुन्हा नियमांचं उल्लंघन केल्यास एक लाख रुपयांपर्यंत दंड आकारला जाऊ शकतो. त्यानंतरही नियम पाळले गेले नाहीत तर कोचिंग क्लासेसची मान्यता रद्द होऊ शकते.
नियमावलीतील व्याख्येनुसार 50 पेक्षा जास्त विद्यार्थ्यांना जिथे शिक्षण दिले जाते त्या जागेला कोचिंग क्लास समजले जाईल.
अर्धवट क्लास सोडलेल्या विद्दार्थ्यांना उर्वरीत फी परत करणे बंधनकारक !
नव्या नियमांनुसार, एखाद्या कोर्सदरम्यान कोचिंग सेंटरला फी वाढवता येणार नाही. जर एखाद्या विद्यार्थ्याने पूर्ण पैसे भरुनही कोर्स अर्धवट सोडण्यासाठी अर्ज केला, तर कोर्सच्या उर्वरित कालावधीचे पैसे परत करावे लागतील. हॉस्टल आणि मेस फी देखील परताव्यात समाविष्ट केली जाईल. दहा दिवसांमध्ये विद्यार्थ्यांना रक्कम माघारी करावी लागेल.
शाळा, कॉलेज च्या वेळेत कोचिंग क्लासेस ला परवानगी नाही
शाळा, कॉलेज अथवा एखाद्या संस्थांमध्ये शिकणाऱ्या विद्यार्थ्यांच्या वेळेत कोणत्याही परिस्थितीत कोचिंग क्लासेस घेण्यात येणार नाहीत. त्याशिवाय एका दिवसांत पाच तासांपेक्षा जास्त क्लास चालणार नाही. सकाळी लवकर आणि रात्री उशिरा क्लासेस घेता येणार नाहीत. विद्यार्थी आणि शिक्षकांना साप्ताहिक सुट्टी द्यावी लागेल.
